O‘zbekiston milliy jamoasi va “Navbahor” klubi darvozaboni O‘tkir Yusupov faoliyatini Eronda davom ettiradi. Transfermarkt maʼlumotiga ko‘ra, “Fulad” 33 yoshli posbon uchun Namangan klubiga 300 ming yevro to‘lagan.
Yusupov 2019 yildan beri “Navbahor” safida harakat qilib kelgandi. Joriy mavsum darvozabon Superliganing 13 ta turida maydonga tushib, 5 ta o‘yinda o‘z darvozasini daxlsizligini saqlab qolgan. Shuningdek, u “Mashʼal”, “Nasaf”, “Neftchi” va “Qo‘qon-1912” klublarida ham faoliyat yuritgan.
Maʼlumot o‘rnida, O‘tkirning yangi jamoasi “Fulad” o‘tgan mavsumda Eron chempionatida 11-o‘rinni egallagan.
Izoh (0)