O‘zbekistonning “Neftchi” klubi yordamchi murabbiyi Anvar Norqulov Match TV telekanaliga bergan intervyusida himoyachi Abduqodir Husanov “Manchester Siti”ga o‘tganidan so‘ng, O‘zbekistonda Angliya klubining muxlislari ancha ko‘paygani haqida gapirdi.
Bu ajoyib hikoyaning boshlanishi! Xudo xohlasa, o‘yin amaliyotiga ega bo‘lib, o‘z darajasini namoyish etadi. Biz unga muxlislik qilamiz, tezroq jamoaga moslashib, o‘zini ko‘rsatishini xohlaymiz. Angliya kubogi doirasidagi “Leyton Orient” darvozasiga kiritilgan golda unga omad kulib boqdi. Lekin bu natija unga ishonch bag‘ishlaydi, dedi Norqulov Match TV telekanaliga.
Murabbiy hozirda Abduqodir barcha yosh futbolchilarilarga o‘rnak bo‘lishi kerakligini aytdi.
Hozirda Abduqodir barcha yosh futbolchilarilarga o‘rnak bo‘lishi kerak. Ko‘p mehnat qilish, o‘z kasbiga professionallik bilan yondashish zarur. Hozirgi paytda ilgari futbolga qiziqmaganlar ham Angliya chempionatini tomosha qilishni boshladi. Ishonchim komil, “Siti”ning nafaqat O‘zbekistonda, balki butun markaziy Osiyoda muxlislari yanada ortadi, deya qo‘shimcha qildi u.
Ma’lumot o‘rnida, tojikistonlik mutaxassis 2022-yildan beri “Neftchi” tarkibida faoliyat yuritib kelmoqda. Bungacha u “Xo‘jand” va “Istiqlol” klublarida yordamchi murabbiy bo‘lib ishlagan.
Izoh (0)