O‘FA tegishli qo‘mitasi mazkur uch klubga nisbatan belgilangan transfer taqiqini shartli ravishda bekor qildi. Bu haqda PFL matbuot xizmati xabar berdi.
Tashkilot bunga sabab sifatida So‘g‘diyona, Dinamo va Aral transfer taqiqi sabablarini bartaraf etish yuzasidan Assosiatsiyaga kafolat bergani qayd etilgan.
Avvalroq Buxoro Assotsiatsiya talabini to‘liq bajargani uchun undan transfer taqiqi olib tashlangandi.
Ma’lumot uchun, 26-dekabr kuni O‘zbekiston futbol assotsiatsiyasi hamda Futbolchilar maqomi va o‘tishi qo‘mitasi qarorlari talabiga bepisand munosabatda bo‘lib kelayotgani, o‘z futbolchi va murabbiylari oldidagi qarzdorlikni belgilangan muddatda bartaraf etmagani, shuningdek, futbol klublari hamda hududiy futbol akademiyalari o‘rtasida tuzilgan hamkorlik shartnomalarida mavjud shartlarni bajarmay kelayotgani sababli 6 ta klubga nisbatan transfer taqiqi belgilagan edi. Ular orasida yuqorida keltirilgan 4 klubdan tashqari, “Navbahor”, “Neftchi” klublari ham bor.
Izoh (0)