Samarqand viloyati Payariq tumanidagi maktabgacha ta’lim tashkiloti tarbiyachisi tarbiyalanuvchilarga nisbatan qo‘pol munosabatda bo‘layotgani aks etgan video tarqaldi.
Video yuzasidan Payariq tumani Maktabgacha va maktab ta’limi bo‘limi ishchi guruhi o‘rganishlar olib bordi. O‘rganish natijalariga ko‘ra, holat tumandagi 44-davlat maktabgacha ta’lim tashkilotida sodir bo‘lgani aniqlandi.
Holat yuzasidan maktabgacha ta’lim tashkilot tarbiyachisi bilan tuzilgan mehnat shartnomasi xodimning tashabbusiga ko‘ra bekor qilindi.
So‘nggi oylarda bog‘chalarda bolalarga nisbatan qilingan qo‘pol munosabatlar
2025-yil 14-fevral kuni Samarqandning Jomboy tumanidagi bog‘chada tarbiyachi bolalarni urib, ularni haqoratlagani uchun jarimaga tortilib, ishdan ketgandi. 28-fevral kuni Toshkent viloyatining Parkent tumanidagi bog‘chada tarbiyachi bolalarning qulog‘idan tortib, yuz va bosh qismlariga bir necha marotaba urgani aniqlandi. 21-fevralda Toshkentdagi bog‘chada bola stulga skotchlab qo‘yilgani ortidan tarbiyachi va uning yordamchisi ishdan bo‘shatildi. 6-fevral kuni Sirdaryo viloyati Sardoba tumanidagi bog‘chada 6 yoshli bolaning tanasiga igna sanchib, tahdid qilingani aniqlandi. 6-yanvarda Toshkent viloyatidagi bog‘chada tarbiyachi bolalarning qulog‘idan tortib, bir necha marotaba urgani aniqlanib, ishdan olindi.
Izoh (0)