Ijtimoiy tarmoqlarda Samarqanddagi bog‘chalarning biridan tarbiyachi bolalarni urib, ularni haqoratlagani aks etgan video tarqaldi. Holat yuzasidan viloyat Maktabgacha va maktab ta’limi boshqarmasi ma’lumot berdi.
Unda aytilishicha, holat joriy yilning 14-fevral kuni Jomboy tumanidagi 21-DMTT da sodir bo‘lgan. Tarbiyalanuvchiga qo‘l ko‘targan tarbiyachi G.A ning ishi Jinoyat ishlar bo‘yicha Jomboy tuman sudida ko‘rib chiqilgan va bazaviy hisoblash miqdorining 3 barobari miqdorida jarima qo‘llanilgan.
Shuningdek, u bilan tuzilgan mehnat shartnomasi xodimning tashabbusi bilan bekor qilingan.
Bog‘chalardagi shu kabi holatlar
Bundan avval Sirdaryodagi bog‘chada 6 yoshli bolaning tanasiga igna sanchib, tahdid qilingan edi. Shuningdek,
- Nukusdagi xususiy bog‘chada bolalarga qo‘pollik qilingani aniqlandi
- Sergelidagi bog‘chada tarbiyachining kaltaklashi oqibatida bolaning oyog‘i sindi
- Toshkentda 6 yoshli bolaga qizlar kiyimini kiydirib, ayollar raqsini ijro ettirgan bog‘cha tarbiyachisi ishdan bo‘shatildi
- Xorazmda tarbiyachi bolalarni qarg‘agan videosini adashib ota-onalar guruhiga jo‘natib yubordi
- Toshkentdagi xususiy bog‘chada tarbiyachi bolani urib, haqoratladi
- Surxondaryodagi bog‘chada 5 yoshli bolani urgan tarbiyachi ishdan olindi
- Jizzaxda 3 yoshli bog‘cha bolasining o‘limiga sababchi bo‘lganlarga sud hukmi o‘qildi
Bundan tashqari, Samarqandda bog‘chadagi bolalardan biri 3 yoshli qizning qo‘llaridan tishlab, jarohat yetkazgani, Andijondagi bog‘chada tarbiyachi bolaning yuziga bir necha bor tarsaki tushirgani to‘g‘risida xabar berilgandi.
Izoh (0)