Ijtimoiy tarmoqlarda ayol voyaga yetmagan bolaning yuziga tarsaki tushirgani aks etgan video tarqaldi. Holat yuzasidan ma’lumot berildi.
Unga ko‘ra, voqea 29-mart kuni Toshkent shahrining Yunusobod tumanida sodir bo‘lgan. Jabrlanuvchi bolakay o‘n yoshda ekani aytilmoqda. Videodagi ayol va bola bir-biriga qo‘shni bo‘lgan.
Mahalladagi fuqarolar ayolning farzandi bilan yuziga tarsaki tushirilgan bolakay o‘rtasida kelishmovchilik yuzaga kelgani, shu sababli ayol qo‘shnisining o‘g‘liga shapaloq tushirganini aytgan. U do‘kon ichiga bolaning ortiga kirib, bolani tortib chiqargan.
Holat yuzasidan tergovga qadar tekshiruv o‘tkazilmoqda.
Toshkent viloyatidagi bog‘chada tarbiyachi bolalarning qulog‘idan tortib, bir necha marotaba urgan edi. Shuningdek, Toshkentda 2 yoshli qizchani muttasil do‘pposlab kelgan tojikistonlik enagaga sud hukmi o‘qilgan.
Bundan tashqari, Surxondaryoda chaqalog‘ini urgan ayol javobgarlikka tortilgani ma’lum qilingan.
Izoh (0)