Самарқанд вилояти Пайариқ туманидаги мактабгача таълим ташкилоти тарбиячиси тарбияланувчиларга нисбатан қўпол муносабатда бўлаётгани акс этган видео тарқалди.
Видео юзасидан Пайариқ тумани Мактабгача ва мактаб таълими бўлими ишчи гуруҳи ўрганишлар олиб борди. Ўрганиш натижаларига кўра, ҳолат тумандаги 44-давлат мактабгача таълим ташкилотида содир бўлгани аниқланди.
Ҳолат юзасидан мактабгача таълим ташкилот тарбиячиси билан тузилган меҳнат шартномаси ходимнинг ташаббусига кўра бекор қилинди.
Сўнгги ойларда боғчаларда болаларга нисбатан қилинган қўпол муносабатлар
2025 йил 14 февраль куни Самарқанднинг Жомбой туманидаги боғчада тарбиячи болаларни уриб, уларни ҳақоратлагани учун жаримага тортилиб, ишдан кетганди. 28 февраль куни Тошкент вилоятининг Паркент туманидаги боғчада тарбиячи болаларнинг қулоғидан тортиб, юз ва бош қисмларига бир неча маротаба ургани аниқланди. 21 февралда Тошкентдаги боғчада бола стулга скотчлаб қўйилгани ортидан тарбиячи ва унинг ёрдамчиси ишдан бўшатилди. 6 февраль куни Сирдарё вилояти Сардоба туманидаги боғчада 6 ёшли боланинг танасига игна санчиб, таҳдид қилингани аниқланди. 6 январда Тошкент вилоятидаги боғчада тарбиячи болаларнинг қулоғидан тортиб, бир неча маротаба ургани аниқланиб, ишдан олинди.
Изоҳ (0)