Jizzaxda yuk mashinasi, Lacetti va mikroavtobus ishtirokidagi YTHda 3 kishi halok bo‘ldi.
Viloyat YHXB matbuot xizmatining xabar qilishicha, 18-mart kuni Jizzax shahri “Nurliobod” MFY hududidan o‘tuvchi xalqaro ahamiyatga ega bo‘lgan Qo‘qon—Jizzax avtomobil yo‘lida harakatlanib kelayotgan yuk mashinasi o‘zi bilan bir yo‘nalishda oldindan chapga burilish uchun to‘xtab turgan Lacetti va o‘z yo‘nalishida harakatlanib kelayotgan yo‘lovchi tashuvchi mikroavtobusni urib yuborgan.
Zo‘r TV telekanalida ma’lum qilinishicha, hodisa oqibatida 1 nafar fuqaro voqea joyida vafot etgan. Jabrlangan 15 nafar fuqarolar RSHTYOIM Jizzax filialiga olib borilgan. Ularning ikki nafari ko‘rsatilgan yordamlarga qaramasdan shifoxonada vafot etgan.
Mart oyida sodir bo‘lgan YTHlar
Jizzaxda 13-mart kuni rulda uxlab qolgan Matiz haydovchisi yuk mashinasiga urilishi oqibatida halok bo‘lgandi. 12-mart kuni Toshkentda daraxtga urilgan Lacetti pachoqlanib ketdi. 7-mart kuni Navoiyda Damas va Cobalt to‘qnashishi oqibatida bir kishi jarohatlandi. 17-mart kuni soat 06:30 larda Toshkent—Bekobod avtomobil yo‘lida harakatlanib ketayotgan yuk mashinasi (dastlabki ma’lumotga ko‘ra haydovchisi uxlab qolishi natijasida) qarama qarshi yo‘nalishga chiqib ketib, Isuzu avtomobili bilan to‘qnashgan. 4-mart kuni Toshkent viloyatida Lexus haydovchisi katta tezlikda kelib, yo‘l chetida turgan mashina va piyodani urib yubordi.
Izoh (0)