Ijtimoiy tarmoqlarda tarqalgan “Mirobod tumani SES boshlig‘i o‘z xodimlarini Open Budget bo‘yicha ovoz yig‘ish uchun ko‘chaga chiqarib yuborgan” mazmunidagi xabarlar tarqaldi. Tuman hokimligi holat yuzasidan munosabat bildirdi.
Qayd etilishicha, Sanepidqo‘mita Toshkent shahar boshqarmasi Mirobod tuman bo‘limi “Tashabbusli byudjet” loyihasining ushbu mavsumida SES binosini ta’mirlash ishlari, ya’ni fasad qismi ta’miri, darvozani yangilash hamda bino hovlisidagi yer maydonida ekilgan daraxtlar uchun sug‘orish tizimini tashkillashtirish uchun ovoz yig‘ishda ishtirok etmoqda.
Tarqalgan audioda bo‘lim binosining eskirgan, ta’mirtalab holatini yaxshilash uchun ovoz berishda faol bo‘lishga chaqirilgan holat aks etgan. Tuman sanepidqo‘mita bo‘limi ishchi xodimlari (bayram munosabati bilan tunu-kun navbatchilikka qo‘yilgan xodimlardan tashqari) o‘z vaqtida ishdan uyiga borgani, hech kim majburan ishda ushlab qolinmagani ma’lum qilindi.
“Tashabbusli byudjet” dasturi doirasida majburiy ovoz to‘plangani aniqlangan loyihalar ovoz berish bosqichidan chetlatiladi. Iqtisodiyot va moliya vazirligi fuqarolarga tegishli eslatma bilan chiqdi.
Izoh (0)