Jizzax viloyatida tabiiy gazdan noqonuniy foydalanib kelgan novvoyxona aniqlandi, deb xabar bermoqda “O‘zenergoinspeksiya”.
Qayd etilishicha, holat “O‘zenergoinspeksiya” Jizzax viloyat hududiy boshqarmasi, Bosh prokuratura huzuridagi Departament va Ichki ishlar boshqarmasi hamkorligida o‘tkazilgan nazorat tadbirida aniqlangan.
Jizzax shahri, “Qaliya” MFYda fuqaro Z. U. ga qarashli novvoyxona gaz hisoblagichsiz tarmoqqa to‘g‘ridan to‘g‘ri ulanib, tabiiy gazdan noqonuniy foydalangan. Ushbu qoidabuzarlik natijasida dastlabki hisob-kitoblarga ko‘ra gaz ta’minoti korxonasiga 314,8 mln so‘mlik zarar yetkazgani ma’lum bo‘ldi.
Mazkur holat yuzasidan huquqni muhofaza qilish organlari tomonidan tergovga qadar tekshiruv ishlari olib borilmoqda.
Yuqoridagi holatlar bo‘yicha barcha hujjatlar huquqni muhofaza qiluvchi organlarga yuborildi.
Izoh (0)