Жиззах вилоятида табиий газдан ноқонуний фойдаланиб келган новвойхона аниқланди, деб хабар бермоқда “Ўзэнергоинспекция”.
Қайд этилишича, ҳолат “Ўзэнергоинспекция” Жиззах вилоят ҳудудий бошқармаси, Бош прокуратура ҳузуридаги Департамент ва Ички ишлар бошқармаси ҳамкорлигида ўтказилган назорат тадбирида аниқланган.
Жиззах шаҳри, “Қалия” МФЙда фуқаро З. У. га қарашли новвойхона газ ҳисоблагичсиз тармоққа тўғридан тўғри уланиб, табиий газдан ноқонуний фойдаланган. Ушбу қоидабузарлик натижасида дастлабки ҳисоб-китобларга кўра газ таъминоти корхонасига 314,8 млн сўмлик зарар етказгани маълум бўлди.
Мазкур ҳолат юзасидан ҳуқуқни муҳофаза қилиш органлари томонидан терговга қадар текширув ишлари олиб борилмоқда.
Юқоридаги ҳолатлар бўйича барча ҳужжатлар ҳуқуқни муҳофаза қилувчи органларга юборилди.
Изоҳ (0)