Amerikalik aktrisa Brenda Song Jennifer Hadson shousida o‘zining turmush o‘rtog‘i, “Uyda yolg‘iz” filmi yulduzi Makoley Kalkinning mashina hayday olmasligi va yaqin kunlargacha kir yuvishni bilmaganligi haqida so‘zlab berdi. Eslatib o‘tamiz, aktyor hozirda 44 yoshda.
“Men har doim buni ta’kidlaganman: Mak hech kimga o‘xshamaydigan odam. U bolaligidanoq dunyodagi eng mashhur aktyor bo‘lganiga qaramay, ko‘pincha mehmonxonalarda yashagan va shu tarzda katta bo‘lgan. U hech qachon kir yuvish kabi ishlar bilan shug‘ullanmagan. Avvaliga men buni bilganimda juda hayratda edim”, deya tan oldi Song.
Uning qo‘shimcha qilishicha, Makoley Kalkin hech qachon avtomobil haydamagan va haydashni o‘rganmagan ham. Kunlarning birida Song qallig‘ini shahar ko‘chalari bo‘ylab sayr qilishga taklif qilgan va aktyordan umrida hech qachon mashina haydamaganini eshitib, dahshatga tushgan. Songning so‘zlariga ko‘ra, u Kalkinga avtoulov minishni o‘rgatishga uringan, ammo buning uddasidan chiqa olmagan. Brenda buning uchun alohida odam yollashni rejalashtirmoqda.
Makoley Kalkin va Brenda Song 2017-yilda tanishgan. 2022-yilda ular turmush qurgan. Er-xotinning ikki nafar farzandi bor.
Avvalroq Makoley Kalkin ukasi “Oskar”ni qo‘lga kiritganida ta’sirlanib, ko‘z yoshlarini tiya olmagan edi. Kalkin taqdimot marosimini boshdan oxirigacha to‘liq ko‘rmagani, faqatgina ukasining nomzodi qo‘yilgan nominatsiya qismini tomosha qilgani haqida so‘zlab bergan.
Izoh (0)