Gollivudda bir-biriga juda o‘xshab ketadigan aktyorlar ko‘p, buning sababi esa ular chindan ham qarindosh ekanligida. Ko‘pchilik hatto xayoliga keltirmagan aka-uka va opa-singil yulduzlar haqida so‘z yuritamiz.
Keysi Afflek — Ben Afflekning ukasi
Ben Afflek “Armageddon”, “O‘g‘rilar shahri” va “Betman” filmlaridagi rollari bilan tanilgan bo‘lsa-da, uning ukasi Keysi ham katta muvaffaqiyatga erishdi. Ular “Zakovatli Uill Hanting” filmida birgalikda rol ijro etgan, ammo keyinchalik turli yo‘nalishlarda ijodlarini davom ettirishdi. Keysi “Dengiz bo‘yidagi Manchester” dramasidagi roli uchun “Oskar” mukofotini qo‘lga kiritdi, shuningdek, “Interstellar” va “Oppengeymer” kabi yirik loyihalarda ham qatnashdi.
Jozef Fayns — Reyf Faynsning ukasi
-m1AHlkXF.jpg)
Reyf Fayns “Garri Potter” filmlaridagi Volan-de-Mort va “Shindler ro‘yxati” filmdagi Amon Gyot rollarini ijro etib, jahon miqyosida tanildi. Uning ukasi Jozef ham kino sohasida muvaffaqiyatga erishdi. U “Oshiq Shekspir” filmidagi bosh roli uchun BAFTA mukofotiga nomzod bo‘ldi, keyinchalik esa “Cho‘rining hikoyasi” serialida qo‘mondon Fred Uoterford rolini gavdalantirdi.
Kiran Kalkin — Makoley Kalkinning ukasi
-IpYhsmpv.jpg)
Makoley Kalkin Kevin Makkalister rolidan so‘ng superyulduzga aylangan bo‘lsa-da, uning ukasi Kiran ham shu filmda suratga tushgan edi — u Kevinning amakivachchasi Fuller rolini ijro etgan. Bolaligida Kiran akasining soyasida qolgan bo‘lsa-da, vaqt o‘tib muvaffaqiyatli karyera qura oldi. U “Skott Pilgrim hammaga qarshi”, “Muvi 43” kabi filmlarda rol o‘ynagan, “Merosxo‘rlar” serialidagi roli esa unga jahon shuhrati va “Oltin globus” mukofotini keltirdi. Bundan tashqari, yaqinda aktyor “Haqiqiy og‘riq” loyihasidagi ikkinchi darajali roli uchun “Oskar” mukofotiga sazovor bo‘ldi.
Robin Layvli — Bleyk Layvlining opasi
-B5inTbCO.jpg)
Bleyk Layvli “G‘iybatchi” seriali va “Adalin asri” filmi orqali tanilgan. Ammo uning katta opasi Robin Layvli karyerasini ancha oldin boshlab, mashhur “Tvin Piks” serialida rol ijro etgan. Yaqinda opa-singillar ilk bor “Hammasi biz bilan tugaydi” kitobining ekranlashtirilgan filmida birgalikda suratga tushishdi. Aytgancha, Bleyk bolaligida opasining suratga olish maydonchalariga tez-tez borar va aktrisa bo‘lishni orzu qilardi.
Lyuk Uilson — Ouen Uilsonning ukasi
-DnBlkv6x.jpg)
Ouen Uilson “Parijdagi yarim tun” va “Kadrlar” loyihalaridagi rollari tufayli mashhur bo‘lgan. Uning kichik ukasi Lyuk ham kinoda karyera qurishga harakat qilgan, biroq akasidek taniqli bo‘la olmagan. Shunday bo‘lsa-da, u “Tenenbaum oilasi” filmida, “Stargirl” serialida va “Chiroyli qizlar” shousida muvaffaqiyatli suratga tushgan.
Izoh (0)