Кубада электр тармоғида носозлик юз бериши оқибатида бутун мамлакат бўйлаб электр узилиши содир бўлди. Фуқаролар ҳукуматни инфратузилмага сармоя киритмаганликда айбламоқда. Бу ҳақда CNN хабар берди.
“14 март куни тахминан соат 20:15 да Диэзмеро подстанциясидаги носозлик Куба ғарбида электр энергиясининг узилишига ва шу билан бирга Миллий электр тизимининг ишламай қолишига олиб келди” , дейилади Куба Энергетика ва тоғ-кон саноати вазирлиги баёнотида.
Куба расмийлари аввалроқ АҚШ президент Дональд Трампнинг кучайтирилган иқтисодий санкцияларни шундоқ ҳам заиф энергетика секторига янада кўпроқ путур етказганликда айблаган эди. Хусусан, 2024 йилнинг октябрь ойида деярли бир ҳафта давомида Кубанинг катта қисми электр таъминотидан деярли тўлиқ узилди, бу сўнгги ўн йилликлардаги энг жиддий узилиш эди.
Бўлиб ўтган воқеага фуқаролар асосий сабаб ҳукуматнинг бееътиборлигини айтиб, инфратузилмага сармоя киритмагани оқибатида 10 миллиондан ортиқ одам қоронғида қолишга мажбур бўлганини таъкидлашмоқда.
Изоҳ (0)