Davlat statistika qo‘mitasi ma’lumotlariga ko‘ra, 2020-yilning 11 oyida O‘zbekistonga xorijdan 98 ta elektromobil import qilingan. Ushbu ko‘rsatkich 2019-yilning shu davriga nisbatan 66 taga ko‘p.
Ma’lum qilinishicha, import qilingan elektromobillarning 63 tasi Xitoy hisobiga to‘g‘ri keladi. Shuningdek, Janubiy Koreyadan 13 ta, Gruziyadan 7 ta hamda Germaniya, AQSh, BAA, Rossiya va Chexiya kabi davlatlardan 15 ta elektromobil import qilingan.
O‘zbekiston noyabr oyida xorijdan 11 ta elektromobil sotib olgan.
Ma’lumot o‘rnida, 2020-yilda import qilingan elektromobillar uchun 2,4 million AQSh dollari sarflangan.
Avvalroq O‘zbekiston hukumati “O‘zavtosanoat” kompaniyasini faqat elektromobillar ishlab chiqarishga o‘tkazishni rejalashtirayotgani to‘g‘risida xabar berilgandi. Tegishli qaror bilan 2021-yil 1-fevralgacha kompaniyaga xorijiy mutaxassislar va konsalting kompaniyalarini jalb qilish va konsepsiya loyihasini ishlab chiqish vazifasi topshirilgan.
Izoh (0)