Spot nashri ikkita reklama xizmati bilan birgalikda Tesla avtomobillariga bo‘lgan talab O‘zbekistonda qanday o‘zgarib borayotganini aniqladi.
Davlat statistika qo‘mitasi ma’lumotlariga ko‘ra, 2020-yilning 8 oyida O‘zbekistonga jami 1,7 million dollarga 73 ta elektromobil import qilingan. 2019-yilning shu davrida mamlakatga atigi 20 ta elektromobil import qilingan. Qayd etilishicha, Xitoydan 50 ta, Koreyadan 12 ta, Germaniya, BAA, Rossiya va Gruziyadan 11 ta elektromobil import qilingan.
Tesla global elektromobil bozorida mustahkam o‘rnashgan. Nashr ushbu avtomobilga bo‘lgan talab so‘nggi yillarda O‘zbekistonda qanday o‘zgarganligini aniqlashga urindi.
Mamlakatda Tesla’ning rasmiy dileri mavjud emasligiga qaramay, odamlar uning elektomobillarini shaxsiy foydalanish uchun import qilmoqda. Ba’zi elektromobil egalari o‘zlarining avtomobillarini sotuvga qo‘yishga ham ulgurgan.
Avtoelon.uz saytida avtoulovlarni sotish bo‘yicha onlayn reklama xizmati ma’lumotlariga ko‘ra, 2019-yilda sayt orqali 15 ta Tesla elektromobillari sotilgan. 2020-yilning 8 oyi davomida e’lonlarning soni 23 taga yetgan, shundan 21 ta reklama Toshkent, Samarqand va Farg‘ona foydalanuvchilar tomonidan joylashtirilgan.Tesla avtomobili sotilishi to‘g‘risida e’lonlarni Avtoelon.uz saytiga joylashtirgan foydalanuvchilar 2020-yil Model 3’ni eng ko‘p sotgan. Ushbu modelning o‘rtacha narxi 680 million so‘mni tashkil etgan.
Shuningdek, e’lonlarning 30 foiz o‘rtacha qiymati 740 million so‘m bo‘lgan Model S sotuvi uchun joylashtirilgan. Eng kam e’lon Tesla X modelini sotish to‘g‘risidagi reklama bo‘lib, sotuvchilar o‘rtacha 930 million so‘mga ushbu rusumdagi mashinani sotib olishni taklif qilgan.
Tesla elektromobillarini OLX.uz saytida sotish bo‘yicha birinchi reklama o‘tgan yilning iyul oyida paydo bo‘lgan. Saytda bir avtomobilning o‘rtacha narxi 932 million so‘mni tashkil etgan.
Yil oxiriga kelib, sotuvga qo‘yilgan elektromobillarning soni besh baravar ko‘payib, 10 taga yetgan. 2019-yil davomida sayt orqali amerikalik ishlab chiqaruvchining faqat bitta elektromobili sotilgan.
2020-yilning birinchi yarmida OLX.uz saytida Tesla sotuvi bo‘yicha oyiga taxminan 10-18 ta faol reklama mavjud edi. Avtomobillarni o‘rtacha narxi 528 dan 605 million so‘mgacha oshgan. Iyun oyidan boshlab sotuvlar soni keskin o‘sib, oyiga 25 ta mashinani tashkil etgan. Avgust oyida esa e’lonlar soni 29 tani tashkil etgan.
Sotuvlar soni ham oshgan. Yozning so‘nggi oyida 5 ta Tesla egalari sayt yordamida o‘zlarining elektromobillarini sotgan. Avvalgi ikki oyda ushbu markadagi uchta elektromobil sotilgan.
Sayt foydalanuvchilari orasida eng mashhur modellar Tesla Model 3 va Model S bo‘lib turibdi.
O‘zbekistondagi yetkazib berish xizmatida “ishlovchi” Tesla
Tesla elektromobillari O‘zbekistonda nafaqat shaxsiy, balki korporativ transport vositasi sifatida ham foydalanilmoqda.
Amerikalik ishlab chiqaruvchining elektromobilidan foydalanadigan kompaniyalardan biri bu Breadly novvoyxonasi hisoblanadi.
Muassasa vakillarining Spot’ga aytishicha, Tesla Model S elektromobil 2019-yilda sotib olingan. Avvalroq, kompaniya franchayzing savdosidan tushgan pulga mashina sotib olganliklari haqida xabar bergan. Qattiq karantin cheklovlari davrida xaridorlarga buyurtmalarni yetkazib berish uchun elektromobildan foydalanilgan.
“Biz Tesla’ni nafaqat elektromobil bo‘lgani uchun, balki kompaniyaning siyosati ko‘p jihatdan bizni o‘ziga jalb qilgani uchun ham tanladik. Uning yaratuvchisi Ilon Mask kelajakka ko‘z tikkan holda loyihalar yaratadi va ularni juda muvaffaqiyatli amalga oshiradi”, – deydi Breadly vakili.
Elektromobildan foydalanishning afzalliklari qatorida mashinani benzinni tejashi, ikkita yukxonasi borligi va avtomobilning ergonomik shaklini sanab o‘tilgan
Kamchiliklari sifatida esa mashinaning nihoyatda shovqinsiz harakatlanishi keltirilgan. Ba’zida shu sabab mashinani payqamagan piyodalarga signal chalishga to‘g‘ri kelishi aytilgan.
Izoh (0)