Sirdaryoda qariyb yarim mlrd so‘mlik “svet”dan noqonuniy foydalangan novvoyxona aniqlandi
Sirdaryo viloyati Sirdaryo tumanida 489 mln so‘mlik elektr energiyasidan noqonuniy foydalangan novvoyxona aniqlandi. Bu haqda Bosh prokuratura matbuot xizmati xabar berdi.
Foto: Bosh prokuratura matbuot xizmati
Maʼlum qilinishicha, “U.N.P.” oilaviy korxonasi rahbari F.M. korxonaga qarashli non mahsulotlari ishlab chiqarish sexini o‘zboshimchalik bilan tarmoqqa ulagan.
Foto: Bosh prokuratura matbuot xizmati
Holat bo‘yicha F.M.ga nisbatan Jinoyat kodeksining 169-moddasi 4-qismi “a” bandi (O‘g‘irlik juda ko‘p miqdorda) bilan jinoyat ishi qo‘zg‘atilib, protsessual tartibda ushlangan.
Foto: Bosh prokuratura matbuot xizmati
Gazdan noqonuniy foydalangan novvoyxonalar
Avvalroq Namangandagi novvoyxonada 273 mln so‘mlik tabiiy gazdan noqonuniy foydalanilgani aniqlangan edi.
Shuningdek, Jizzaxda qariyb 700 mln so‘mlik gazdan noqonuniy foydalangan novvoyxona aniqlangan. Bundan tashqari, Farg‘ona viloyatida 5 ta novvoyxona tomonidan 771 mln so‘mdan ziyod tabiiy gazdan noqonuniy foydalanish holatlari aniqlangandi.
Shu bilan birga, Urganch tumanida 2 milliard so‘mdan ziyod tabiiy gazdan noqonuniy foydalangan MCHJ aniqlandi.
Bundan tashqari, Samarqanddagi novvoyxonada 621 mln so‘mlik gazdan noqonuniy foydalanildi.
Izoh (0)