Qarshi shahridagi tibbiyot muassasasida to‘g‘ridan to‘g‘ri tarmoqqa ulanib elektr energiyasidan noqonuniy foydalanish holati aniqlandi. Bu haqda “O‘zenergoinspeksiya” matbuot xizmati xabar berdi.
Maʼlum qilinishicha, Qarshi shahrida joylashgan Respublika ixtisoslashtirilgan Ona va bola salomatligi markazi Qashqadaryo viloyati filialida 4 dona chiller sovitish tizimi (quvvati 612.6 kVt) elektr tarmoqlariga to‘g‘ridan to‘g‘ri ulangan.
Qoidabuzarlik natijasida elektr taʼminoti korxonasi manfaatiga 2 mlrd 182 mln so‘mlik zarar yetkazilgan.
Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.
- Avvalroq Andijonda jami 612 mln so‘mlik “svet”dan noqonuniy foydalanish holati aniqlangani haqida xabar berilgan edi.
Farg‘ona viloyatida 5 ta novvoyxona tomonidan 771 mln so‘mdan ziyod tabiiy gazdan noqonuniy foydalanish holatlari aniqlangandi.
Izoh (0)