O‘zbekistonda 2025-yil bahor mavsumida 121 ta shahar, tumanlarida “Yoshlar yashil bog‘lari” tashkil etilib, 300 mingta daraxt ko‘chatlari ekiladi.
Ma’lum qilinishicha, Toshkent viloyati, Nurafshon shahrida “Mahalla yoshlarining ma’naviyat bog‘i” tashkil etildi. Dastlab yer maydonlarida sug‘orish tizimlari yo‘lga qo‘yilib, daraxt ekishga tayyorlandi. Bog‘ hududida 8,5 gektar maydonga pavlovniya, oqterak, majnuntol, gilos, tut, tok, qayrag‘och kabi 7 ming tupdan ziyod daraxt ko‘chatlari ekildi.
“Yashil makon” umummilliy loyihasi doirasida respublika bo‘ylab 2024-yil davomida 155 ming yoshlarga bo‘lib berilgan, 60 ming gektar yer maydoniga hamda “Yoshlar yashil bog‘lari”ga yoshlar tomonidan 1 165 189 tup daraxt ko‘chatlari ekildi.
2025-yil bahor mavsumida respublikaning 121 ta shahar, tumanlarida “Yoshlar yashil bog‘lari” tashkil etilib, 300 ming dona daraxt ko‘chatlari ekiladi. Mazkur tadbirlarda Yoshlar parlamenti a’zolari, ekofaollar, talabalar va yosh olimlar, kitobxonlar, “Zulfiya” nomidagi davlat mukofoti sovrindorlari, jurnalist va blogerlar, sportchilar, san’atkorlar, yosh tadbirkorlar, yoshlar yetakchilari, qariyb 50 mingga yaqin yoshlar faol ishtirok etishi belgilangan.
Joriy yilning 27-yanvar kuni prezident Shavkat Mirziyoyev boshchiligida “Atrof-muhitni asrash va “yashil iqtisodiyot” yili davlat dasturi loyihasi yuzasidan o‘tkazilgan yig‘ilishda “Yashil makon” dasturi doirasida har yili amalga oshirilayotgan ishlarga alohida to‘xtalib, bu borada bu yil belgilangan rejalar bo‘yicha zarur topshiriqlar qo‘yilgan edi.
Ushbu topshiriqlar ijrosini ta’minlash, qolaversa, daraxt ekish bо‘yicha bahor mavsumida tadbirni amalga oshirish maqsadida “Hududiy elektr tarmoqlari” tasarrufidagi filial va korxonalarda kо‘kalamzorlashtirish ishlari jadal sur’atlarda olib borilmoqda.
Izoh (0)