Kolumbiyada futbol o‘yini davomida 4 kishi chaqmoq urishi oqibatida halok bo‘ldi.
Voqea 9-fevral, yakshanba kuni Kaxibio tumanida joylashgan El-Reyal hududida sodir bo‘lgan. Oqibatda to‘rt nafar ayol halok bo'ldi, yana ikki kishi jarohatlangan.
O‘yin boshidan yomg‘ir yog‘a boshlagan. Ko‘pchilik tomoshabinlar ichkariga kirishga ulgurgan, ba’zilari esa tashqarida qolgan. Halok bo‘lganlar yomg‘irdan qochish uchun daraxt ostiga o‘tgan. Chaqmoq aynan ana shu daraxtga urilgan.
Tabiiy ofatlar bo‘yicha boshqaruv vakillari, voqea oqibatlarini baholash uchun mutaxassislar guruhini yuborganini ma’lum qilgan.
Avvalroq perulik 35 yoshli himoyachi Xose Ugo De la Kruz Meza futbol o‘yini vaqti yashin urishi oqibatida vafot etgan edi.
Turkiyaning “Kayserispor” klubi futbolchilari bo‘lgan samolyotni ham chaqmoq urgandi. Ushbu samolyot bortida o‘zbekistonlik futbolchi Otabek Shukurov ham bo‘lgan.
Izoh (0)