Toshkent viloyatining Yangiyo‘l tumanida navbatdagi ekologik nazorat tadbirlari o‘tkazildi. Bu haqda Ekologiya vazirligi xabar berdi.
Tadbir davomida Yangiyo‘l tumani “Madaniyat” MFY hududida 4 tup shumtol (yasin) daraxti kesilganligi aniqlandi. O‘rganish natijasida huquqbuzarlik O‘.B. hamda U.A. tomonidan sodir etilganligi maʼlum bo‘ldi.
Daraxtlar kesilishi natijasida tabiatga 412 million so‘mdan ortiq zarar yetkazilgan.
Ish yuzasidan to‘plangan hujjatlar holatga huquqiy baho berish uchun Toshkent Tabiatni muhofaza qilish prokuraturasiga yuborildi.
Ayovsiz kesilayotgan daraxtlar
Toshkent viloyatida 2 tup ko‘p yillik chinorni kesgan shaxs tabiatga 199 mln so‘m zarar yetkazgani haqida xabar berilgandi. Xorazmda 4 tup pavlovniya daraxtini kesgan shaxs 27 mln so‘mdan ortiq jarimaga tortilgandi.
Izoh (0)