Qonun bilan Maʼmuriy javobgarlik to‘g‘risidagi kodeksiga o‘zgartirishlar kiritildi. Bu haqda Adliya vazirligi xabar berdi.
Qonun bilan, Milliy gvardiyaning voyaga yetmaganlar o‘rtasida huquqbuzarliklar profilaktikasi bo‘yicha vakolatlari kengaytirildi.
Qonunda Milliy gvardiyaning maʼmuriy huquqbuzarliklar to‘g‘risidagi ishlarni ko‘rib chiqishga hamda maʼmuriy jazo choralarini qo‘llashga doir vakolatlari belgilandi.
Qonun rasmiy eʼlon qilingan kundan eʼtiboran kuchga kiradi.
Senatning uchinchi yalpi majlisida “Voyaga yetmaganlar o‘rtasida huquqbuzarliklar profilaktikasi tizimi takomillashtirilishi munosabati bilan Maʼmuriy javobgarlik to‘g‘risidagi kodeksga o‘zgartirishlar kiritish haqida”gi qonun ko‘rib chiqilib, maʼqullangan edi.
Prezidentning 2024-yil 5-fevraldagi tegishli qarori bilan Ichki ishlar organlarining voyaga yetmaganlar masalalari bo‘yicha inspektor-psixologlari (katta inspektor-psixologlari) lavozimlari Milliy gvardiya tuzilmasiga o‘tkazilgandi. Mazkur qarorga muvofiq Milliy gvardiyada Bolalar bilan ishlash boshqarmasi va uning hududiy bo‘linmalari tashkil etildi, shuningdek voyaga yetmaganlar masalalari bo‘yicha katta inspektor-psixologlar va inspektor-psixologlar lavozimlari joriy etildi.
Izoh (0)