Afsonaga aylangan insonning farzandi bo‘lish uning yo‘lidan borish degani emas. Karyerasi boshlanmasidan oldin tugagan mashhur shaxslarning vorislari haqida ma’lumot beramiz.
Jeyden Smit: blokbasterlardan ko‘cha xayriya ishlarigacha
Uill Smitning o‘g‘li “Karate bolakay” oilaviy jangari filmida di, keyin esa qoyilmaqom rol ijro etdi, “Eramizdan keyin” loyihasida esa muvaffaqiyatsizlikka uchradi. Jeydenning rep-albomlari o‘z tinglovchilarini topgan bo‘lsa-da, Gollivudda o‘rnini topolmadi. Shuning uchun kichik Smit kutilmagan ishni amalga oshirdi — u uysizlarni bepul ovqatlantiradigan oziq-ovqat yetkazib beruvchi mashina sotib oldi. Jeyden aynan shu ishda hayotining ma’nosini topganini aytadi.
Kemeron Duglas: merosxo‘rlikdan sud xronikalarining qahramoniga aylanish yo‘li
Maykl Duglasning o‘g‘li va Kirkning nabirasi bo‘lsang, “Oskar”ga erishish osonday tuyuladi. Biroq Kemeronning hayot yo‘li boshqacha kechdi: taqiqlangan moddalar, giyohvandlik, 8 yilga yaqin qamoq muddati. Uning nomi afishalardan ko‘ra ko‘proq jinoiy xabarlarda tilga olinadi. U iste’dodlimi? Balki shundaydir. Ammo o‘zingizni boshqara olmasangiz, hech qanday tanish-bilishlar sizni qutqara olmaydi.
Jeysi Chan: familiya yuki va shohsupalardan yiqilish
Jeki Channing o‘g‘li qo‘shiq aytishga, kinoda suratga tushishga, umuman olganda, mashhur aktyorning shunchaki avlodi emasligini isbotlashga urinib ko‘rdi. Biroq otasining shuhrati yengib bo‘lmas to‘siqqa aylandi: Jeysini doim otasi bilan solishtirishdi, tanqid qilishdi va xatolarini kechirmadilar.
Giyohvand moddalar uchun olti oylik qamoq jazosi uning karyerasiga halokatli ta’sir ko‘rsatdi. O‘shandan beri Jeysi Chan yulduz bo‘lish istagidan butunlay voz kechgandek, jamoatchilik e’tiboridan o‘zini olib qochmoqda.
Genri Xopper: janjallar sabab barbod bo‘lgan iste’dod
Aktyor 2011-yilda Gas Van Sentning “Taslim bo‘lma” dramasida ilk bor rol ijro etdi. Hammaga u Dennis Xopperning munosib vorisi bo‘lib tuyulardi. Kamera uni yaxshi ko‘rar, temperamenti sezilib turardi. Biroq yoshlikdagi xatolar uning karyerasiga soya soldi: ayblovlar, janjal ortidan janjal... Sud bo‘lmasa-da, bularning barchasi karyerasini keskin sekinlashtirdi. Genri Xopper faqat Jeyms Frankoning filmida suratga tushdi va hozir qizil gilamlarda ko‘rinish berishdan ko‘ra yolg‘izlikni afzal biladi.
Bu bolalarning hayoti mashhur filmlarning muvaffaqiyatsiz davomiga o‘xshaydi: balandparvoz familiyalar, katta byudjetlar, haddan tashqari yuqori umidlar va hammaning hafsalasini pir qilgan yakuniy natija.
Izoh (0)