Toshkentda harbiylar namoyishkorona piyoda yurishi bo‘lib o‘tdi (foto)

O‘zbekiston Qurolli kuchlari tashkil etilganining 33 yilligi va Vatan himoyachilari kuniga bag‘ishlab 5-yanvar kuni Toshkentning asosiy ko‘chalarida Mudofaa vazirligi va Milliy gvardiya harbiy bo‘linmalarining namoyishkorona piyoda yurishlari bo‘lib o‘tdi.

Harbiy bo‘linmalarining namoyishkorona piyoda yurishlari “G‘alaba bog‘i” yodgorlik majmuasida soat 10:30 da Faxriy qorovul jamoasi va qo‘l jangi ustalarining ko‘rgazmali chiqishlari bilan boshlandi.

Harbiy bo‘linmalar “G‘alaba bog‘i” yodgorlik majmuasi (Sag‘bon va Zarqaynar ko‘chalari orqali) – O‘zbekiston davlat tabiat muzeyi – “Chorsu” bozori – Toshkent sirki (Zarqaynar ko‘chasi) – “Xalqlar do‘stligi” sanʼat saroyi (O‘zbekiston shoh ko‘chasi va Furqat ko‘chasi) – Magic City maydoni (Furqat ko‘chasi) yo‘nalishi bo‘ylab harakatlandi.

Magic City maydonidagi to‘xtash nuqtasida Faxriy qorovul jamoasi va qo‘l jangi ustalarining ko‘rgazmali chiqishlari, bo‘linmalarning jangovar chaqirig‘i, harbiy orkestrning difele namoyishlari ijro etildi.

Shu kuni Toshkentning ayrim ko‘chalarida soat 11: 00 dan soat 13:00 gacha bo‘lgan vaqt oralig‘ida avtotransport vositalari harakati vaqtinchalik cheklandi.

Toshkentda harbiylar namoyishkorona piyoda yurishi bo‘lib o‘tdi (foto)

Izoh (0)

Mavzuga doir

Daryo.uz | Sizning muammoingiz yechimi