Livanda barcha partiyalardan mustaqil bo‘lgan, umummilliy vakolatlarga ega hukumat tuziladi, deb yozmoqda Anadolu.
Bu haqda Livanda hukumat tuzish vakolatiga ega bo‘lgan Salam Navaf prezident Jozef Aun bilan uchrashuv yakunlariga bag‘ishlangan matbuot anjumanida ma’lum qildi. Salam “hukumatni shakllantirish vazifasi topshirilgandan so‘ng qabul qilgan qarorlaridan voz kechmasligini” ta’kidladi. Siyosatchi, shuningdek, mavjud qiyinchiliklarga qaramay, Livanda hukumat yaqin kunlarda shakllantirilishini aytdi.
Salam Livan hukumati shakllantirilishi bilan arab dunyosi va xalqaro hamjamiyat tomonidan qo‘llab-quvvatlanishi ta’minlanishiga e’tibor qaratdi.
Hech bir vazirlik biror guruhga tegishli emas, dedi u.
Uning qo‘shimcha qilishicha, vazirlar deputatlardan ajratiladi, mahalliy va parlament saylovlaridagi nomzodlar hukumat ishlarida ishtirok etmaydi hamda barcha partiyalardan mustaqil bo‘lgan umummilliy vakolatlarga ega hukumat tuziladi.
Livanda 12 marotaba muvaffaqiyatsiz saylovlardan so‘ng prezident tayinlandi
Livanda joriy yilning 9-yanvar kuni ikki yildan ortiq hokimiyat bo‘shlig‘i va siyosiy inqirozdan so‘ng prezident saylangan edi. Livan qurolli kuchlari bosh qo‘mondoni Jozef Aun parlamentdagi ovoz berishning ikkinchi bosqichi natijalariga ko‘ra mamlakatning 14-prezidenti bo‘lgan.
2022-yil oktyabr oyida Livanning sobiq prezidenti Mishel Aunning vakolati tugaganidan so‘ng mamlakatdagi prezidentlik lavozimi ikki yildan ortiq vaqt mobaynida bo‘sh qolgan edi. Bugungi kungacha Livanning yangi prezidentini saylashga 12 marta muvaffaqiyatsiz urinishlar bo‘lib o‘tgan.
Shuningdek, BMT Xalqaro sudi raisi Navaf Salam Livan bosh vaziri etib tayinlandi va unga respublikaning yangi hukumatini shakllantirish topshirildi.
Livanning “Hizbulloh” va “Amal” harakatlari so‘nggi to‘rt hukumatdagi kabi Moliya vazirligini boshqarishni o‘z zimmalariga olishni talab qilmoqda.
Izoh (0)