Livan hukumati Isroil tajovuzi sabab yuzaga kelgan misli ko‘rilmagan inqirozdan chiqish uchun arab va islom davlatlaridan yordam berishni so‘radi.
Bu haqda respublika bosh vaziri Najib Mikati Arab davlatlari ligasi va Islom hamkorlik tashkilotiga aʼzo mamlakatlarning navbatdan tashqari sammitida so‘zlagan nutqida maʼlum qildi.
“Isroil Livan suverenitetini oyoqosti qilishda davom etmoqda, bu bizning bugungi va kelajagimizni xavfga qo‘yadi. Jahon banki ma’lumotlariga ko‘ra, harbiy operatsiyalardan ko‘rilgan iqtisodiy zarar 8,5 milliard dollarni tashkil etdi, tajovuz katta gumanitar yo‘qotishlarga olib keldi. 1,2 millionga yaqin odam o‘z uyini tashlab ketishga majbur bo‘ldi”, dedi Mikati.
Uning so‘zlariga ko‘ra, qishloq xo‘jaligi va atrof-muhitga katta zarar yetkazilgan, sog‘liqni saqlash va taʼlim sohalari ishi izdan chiqqan.
Bosh vazir “Livanga qarshi vahshiyona tajovuzni zudlik bilan bas qilishga, o‘t ochishni to‘xtatish va BMT Xavfsizlik kengashining 1701-rezolyutsiyasini to‘liq tiklash”ga chaqirdi.
Izoh (0)