Tinchlantiruvchi mashqlar, moychechakli choy, issiq vannalar yoki uyqudan avval mobil telefondan foydalanmaslik — har bir kishini tinchlantirishga yordam beradigan o‘ziga mos rituali bor.
Olimlar uyqu sifati va davomiyligini oshirish, kundalik dam olish samaradorligini yaxshilashning turli xil usullari ustida izlanishlar olib borgan. Shunday usullardan biri limon va ozgina tuzdir: limonni bo‘laklarga kesib, likopchaga soling va ustidan tuz seping. So‘ng uyqudan avval yostiqning yoniga qo‘ying.
Limondan taraladigan hid xuddi lavanda isiga o‘xshab organizmga tinchlantiruvchi ta’sir ko‘rsatadi va uyquni yaxshilaydi. Shuningdek, u nafas olish yo‘llarini tozalashga yordam beradi, sitrus mevalari esa immun tizimini mustahkamlaydi. Limondagi efir moylari asab tizimi, burun shilliq pardasi va butun bronxial tizimga ham ijobiy ta’sir ko‘rsatadi.
Limon hidi faqatgina uyquni yaxshilab qolmay, balki kayfiyatni ham ko‘taradi. U serotonin gormoni ishlab chiqarilishini rag‘batlantiradi hamda stress gormoni darajasini kamaytirishga hissa qo‘shadi.
Asosiysi, ertalab uyqudan turgach, tarelkadagi limonni olib tashlashni unutmaslik lozim. Uning hidi turli hasharotlarni jalb qilishi mumkin.
Izoh (0)