Kolbasa, sosiska qayta ishlangan go‘sht mahsulotlari ko‘plab oilalarning kundalik ratsionidan o‘rin olgan. Terapevt, tibbiyot fanlari nomzodi Irina Baranova o‘z bayonotida bunday mahsulotlar sog‘liq uchun o‘ta xavfli bo‘lganligi sababli, har qanday yoshdagi insonlar nonushtasi uchun to‘g‘ri kelmasligini aytib o‘tdi.
Baranovaning so‘zlariga ko‘ra, sosiska tarkibida turli konservantlar, taʼmni kuchaytiruvchi moddalar, stabilizatorlar va nitritlar mavjud bo‘lib, ular mahsulotning yaroqlilik muddatini uzaytiradi va tashqi ko‘rinishini yaxshilaydi.
Jahon sog‘liqni saqlash tashkiloti ma’lumotiga ko‘ra esa, qayta ishlangan go‘sht mahsulotlari va qizil go‘sht iste’moli saraton xavfini ko‘paytiradi. Qayta ishlangan bunday turdagi go‘shtni kuniga 50 gramm miqdorda iste’mol qilish yo‘g‘on ichak saratoni xavfini 18 foizga oshiradi. Garchi sosiska sabab saraton kelib chiqish xavfi har bir inson uchun individual olganda juda yuqori bo‘lmasa ham, lekin uning iste’moli ko‘payishi bilan xavf ham oshadi. Qolaversa, bunday mahsulotlarni ommaviy tarzda ko‘p iste’mol qilish global salomatlik indeksiga ham salbiy ta’sir qiladi.
Ekspertlar bunday xulosaga kelguncha 20 yillikni o‘z ichiga oladigan 800 dan ortiq tadqiqotlarni o‘rganib chiqishgan. Bu tadqiqotlar bir qancha davlatlarning turli xil diyetalarini o‘z ichiga oladi.
“Kolbasa va sosiska mahsulotlari saraton kasalligini keltirib chiqarishi uzoq yillar avval tasdiqlangan”, deydi Baranova.
Uning qo‘shimcha qilishicha, bolalar nonushtasiga sosiska berish xatarlidir.
Izoh (0)