Koreys dramalari shunchalik o‘ziga qaram qilishi mumkinki, “uxlashdan oldin biroz tomosha qilish” formulasi to‘satdan “ertalab besh bo‘ldi, ammo haliyam serialni tugatolmadim”ga aylanishi mumkin. Shuning uchun siz uchun tayyorlagan mazkur dramalarni dam olish kunida, hech qanday rejangiz bo‘lmaganda tomosha qilganingiz ma’qul.
“O‘lim o‘yini”
- Kinopoisk bo‘yicha reyting: 8.4
Chxve I Je joniga qasd qilishga qaror qiladi. Ammo uning uchun o‘lim oxirgi yechim emasligini kim bilibdi deysiz. Yigit o‘z joniga qasd qilganidan keyin ham uzoq yo‘l bosib o‘tadi va O‘lim bilan xavfli o‘yin o‘ynaydi.
“Qirolicha Chorin”
- Kinopoisk bo‘yicha reyting: 8.7
Yengiltabiat yosh oshpaz yigit to‘satdan zamonaviy Koreyadan XIX asr Choson qirolligiga tushib qoladi. Bu ham yetmagandek endi uning ruhi atrofini g‘alamis saroy a’yonlari-yu hasadgo‘y kimsalar o‘rab olgan qirolicha Chorinning tanasiga ko‘chgan.
“Qasos tantanasi”
- Kinopoisk bo‘yicha reyting: 8.4
Qiz me’mor bo‘lishni orzu qilar edi, lekin u zo‘ravonlik tufayli maktabni tashlab ketishga majbur bo‘ladi. Maktab o‘quvchisi katta bo‘ladi, lekin qasos olish fikridan voz kechmaydi. Bu yillar davomida unga zo‘ravonlik qilgan kimsaning oila qurishini kutadi. Ana endi qasoskor qiz dushmanining farzandi o‘qiyotgan maktabga o‘qituvchi bo‘lib ishga kiradi.
“To‘qqiz dumli tulki haqida hikoya”
- Kinopoisk bo‘yicha reyting: 8.4
Li Yon — tog‘larda yashovchi ma’bud, u inson qiyofasiga kiroladi va vaqti-vaqti bilan insonlar dunyosida tartib o‘rnatadi. Ammo uning o‘gay akasi Li Ran — odamlardan nafratlanadigan maxluq.
“Sichqon”
- Kinopoisk bo‘yicha reyting: 8.5
Psixopatlarni genetik jihatdan aniqlay oladigan tajribali detektiv va yangi kelgan politsiya xodimi mashhur seriyali qotilni qidirmoqda
“Qotillar uchun do‘kon”
- Kinopoisk bo‘yicha reyting: 8.1
Ota-onasiz qolgan Chong Ji An g‘alati do‘kon egasi bo‘lgan amakisi
bilan yashay boshlaydi. Amakisining o‘limidan so‘ng, qiz dahshatli haqiqatga duch keladi.
“Samimiy tabassum”
- Kinopoisk bo‘yicha reyting: 8.0
Maftunkor talaba Vey Vey U onlayn o‘yinlarga juda qiziqadi. Bo‘sh vaqtining har bir daqiqasini u virtual dunyoda o‘tkazadi. Virtual olamda o‘ziga chempion-sherik topganida qizning hayoti keskin o‘zgaradi.
“Erimga turmushga chiq”
- Kinopoisk bo‘yicha reyting: 8.2
Ayol o‘zining eng yaqin dugonasi bilan ishqiy munosabatda bo‘lib, uni o‘ldirgan eridan o‘ch olish uchun 10 yil orqaga qaytadi.
“Samoviy dunyo sari”
- Kinopoisk bo‘yicha reyting: 8.4
Ehtiyotkor yigit va uning amakisi marhumlarning uylarida tartib o‘rnatadi, ularning hayotiga kiradi va marhumning aytishga ulgurmagan gaplarini yaqinlariga yetkazadi.
Izoh (0)