Romantika mavsumi: fantastika janridagi eng yaxshi koreys seriallari

Kuzning iliq va romantikaga boy kunlarida ko‘tarinki kayfiyat uchun mazkur koreys teleseriallarini tomosha qilishni tavsiya qilamiz.

“Xvayugi”

“G‘arbga sayohat” multfilmidagi maymunlar qiroli Sun Ukun haqida eshitganmisiz? Agar yo‘q bo‘lsa, u bilan zamonaviy talqinda tanishishingiz mumkin, unda Li Sin Gi jasur va dovyurak isyonchi rolini ijro etgan. Biroq o‘zining manmanligi va bezoriligidan u Yerda bandi qilinadi. Bir kuni uni ozod qilishga va sehrli kuchlarini qaytarishga qodir bo‘lgan qiz qutqaradi. Albatta, ayyor Sun Ukun bundan foydalanadi, lekin keyinchalik u qizning ruhlarni ko‘ra olish qobiliyatiga o‘zi sababchi ekanligini bilib qoladi.

“Daryo ilohining qallig‘i”

Bu doramada sevgi osmondan tushishini orzu qiladigan qahramonlar tasvirlangan. Suv ma’budi Ha Bek hokimiyat uchun zarur bo‘lgan tosh-artefaktlarni to‘plash va taqdiriga bitilgan qallig‘ini topish maqsadida bizning dunyomizga tushishga qaror qiladi. Biroq u o‘sha ayol bilan uchrashganda, bu yerdagi maqomi hech narsani anglatmasligini tushunadi. Ayol psixiatr bo‘lib ishlaydi, shuning uchun Ha Bekning xatti-harakatlari unga xuddi bemorlarining holatiga o‘xshab tuyuladi. Keyinchalik u barchasi allaqachon taqdirida belgilab qo‘yilganini bilib qoladi, ammo ular bu to‘siqlarni yenga oladimi?

“Goblin”

“Tokkabi”, “Goblin” yoki “Demon” — bu afsonaviy serialning bir nechta nomlari, uni hech bo‘lmaganda bir marta ko‘rishi kerak. Chunki Gong Yu va Kim Go Inning butun yulduzli karyerasi aynan shu serialdan boshlangan, chunki sehrli romantika darajasi bu yerda o‘z cho‘qqisiga yetgan. U qadimiy tokkabi bo‘lib, abadiylikdan charchagan. Undagi tavqi la’natni olib tashlashga faqat bir qiz yordam bera oladi. Ji Un esa katta yosh farqiga qaramay, darhol unga oshiq bo‘ladi.

“Del Luna mehmonxonasi”

Chan Man Vol ko‘p asrlar davomida ruhlar mehmonxonasini boshqarib keladi. U vafot etganlarga xotirjamlikda boshqa dunyoga ketishga yordam beradi.

“Sen bilan bo‘lish taqdirimga yozilgan”

Jozibador Chan Shin Yu advokat bo‘lib ishlaydi, ammo Choson davridan beri oila a’zolariga o‘tib kelayotgan qarg‘ish bilan yashaydi. Ish joyida u Li Xon Jo bilan tanishadi va oxir-oqibat u bilan birga qadimiy sehr kitobini topadi. Ha, u kitobda Shin Yuni avloddan avlodga o‘tib kelayotgan qarg‘ishdan qutqarishga yordam beradigan narsa bor. Biroq hammasi bu qadar oddiy emas, chunki juftlikni faqatgina birga ishlash emas, balki boshqa narsalar ham bog‘lab turadi.