Jahon oltin kengashining (WGC) dastlabki hisob-kitoblariga ko‘ra, noyabr oyida jahon markaziy banklari oltin-valyuta zaxiralaridagi oltin hajmini 53,4 tonnaga oshirdi.
“2024 yil oxiriga nazar tashlaydigan bo‘lsak, butun dunyo bo‘ylab markaziy banklar oltinga bo‘lgan talabda yetakchi rol o‘ynashda davom etdilar”, dedi WGC tahlilchisi Krishan Gopaul.
“Noyabr oyi oltin sotib olishning yana bir oyi bo‘ldi, markaziy banklar birgalikda 53 tonna oltin sotib olishdi. Yil davomida kuzatilgan tendensiya shundan iboratki, asosan rivojlanayotgan mamlakatlarning markaziy banklari oltinni xarid qilishda faol bo‘ldi. Oltin global iqtisodiy noaniqlik sharoitida barqaror va ishonchli aktiv bo‘lib turibdi”, deya qo‘shimcha qildi Krishan Gopaul.
Noyabr oyida oltinning eng yirik xaridorlari Polsha (21 tonna), O‘zbekiston (9 tonna), Hindiston (8,4 tonna), Qozog‘iston (5,1 tonna) bo‘ldi. Gopaul ta‘kidlaganidek, aprel oyidan beri birinchi marta Xitoy zaxiralarining ko‘payishi haqida xabar berdi (5 tonna). Shuningdek, xaridorlar orasida Iordaniya (4,1 tonna), Turkiya (3 tonna), Chexiya (1,6 tonna), Gana (1,2 tonna), Mo‘g‘uliston va Malta (bir tonnadan kam) bor.
Oltinning asosiy sotuvchisi Singapur (5,2 tonna) bo‘ldi. Shuningdek, dekabr oyida Finlyandiya markaziy banki oltin zaxiralarining 10 foizga, ya’ni 44 tonnagacha kamaygani haqida xabar bergan, deya qayd etadi WGC.
Izoh (0)