O‘zbekiston oltin-valyuta zaxiralari 2025-yil 1-yanvar holatiga ko‘ra 41,18 milliard dollarni tashkil etdi. Bu haqda Markaziy bank ma’lumotlarida keltirilgan.
Mamlakatning O‘zbekiston yalpi xalqaro zaxiralari 2024-yilning dekabr oyida 290 million dollarga kamaydi. Xususan, oy davomida oltin narxining 2664,30 dollardan 2610,85 dollargacha kamayishining ta’siri -656 million dollarni tashkil etdi.
Oltin zaxiralari qiymati 704,4 million dollarga — 32,7 milliard dollardan 32,03 milliard dollargacha pasaydi. Uning fizik hajmi esa 12,3 million troy unsiya (382,57 tonna) darajasida o‘zgarishsiz qoldi. Zaxiralarning valyuta qismi esa aksincha, 413,9 million dollarga ko‘paygan va 8 597,7 million dollarni tashkil etgan.
Yillik hisobda zaxiralar qiymati 6,6 milliard dollarga oshdi (2024-yil 1-yanvarda 34 milliard 564,6 million dollar edi).
“Aytish kerakki, 2024-yilda xalqaro zaxiralarning yillik ko‘payishi oltin narxi omiliga bog‘liq bo‘ldi. Agarda 2024-yil boshidagi kotirovkalar saqlanib qolganida, zaxiralar qoldig‘i yillik kamayishi to‘xtamagan bo‘lardi”, deydi iqtisodchi Otabek Bakirov.
Markaziy bank tomonidan sotib olingan qimmatli qog‘ozlarning qiymati biroz — 101,7 million dollargacha oshdi.
Izoh (0)