“An-Nassr” futbolchisi Krishtianu Ronaldu ishtirokida matbuot anjumani tashkil etildi.
Saudiya Arabistoni klubi bilan shartnoma imzolashi haqidaPortugaliyalik futbolchi Saudiya Arabistoni jamoasi bilan 2025-yilga qadar mo‘ljallangan shartnoma imzoladi.Hozircha hammasi yaxshi. Futboldagi va hayotimdagi muhim qarorni qabul qilganimdan xursandman.
Yevropadagi ishim o‘z yakuniga yetdi. Yevropaning katta klublarida o‘ynadim va barcha sovrinlarni qo‘lga kiritdim. Endi oldimda Osiyodagi yangi chaqiriq turibdi.
“An-Nassr” menga shunday imkoniyatni taqdim etganidan xursandman. Bu nafaqat futbol rivoji uchun, balki yangi avlod, shuningdek, ayollar jamoasi va yoshlar jamoasi uchun ham. Men uchun bu yangi chaqiriq, hozir juda baxtliman va qarorimdan faxrlanaman.
Saudiya Arabistonida nimalarga erishmoqchiligi haqida
Menga Yevropadan, Braziliya, Avstraliya va AQSH klublaridan takliflar bor edi. Hatto Portugaliyaning bir nechta jamoasi men bilan shartnoma imzolashni xohlagandi. Biroq men “An-Nassr”ga va’da bergandim. Bu yerda nafaqat futbolni, balki mamlakatdagi boshqa narsalarni ham o‘zgartiramiz.
Bu men uchun jiddiy chaqiriq. Nima xohlayotganimni bilaman va ayni damda bilmayman. Juda ko‘p jabhalarda rivojlanish uchun o‘z tajribamni ulashishga yaxshi imkoniyat. Ko‘pchilik bilmasa kerak, lekin “An-Nassr”ning ayollar jamoasi ham bor. Men ular bilan ham o‘z tajribamni bo‘lishmoqchiman.
Saudiya Arabistonining Jahon Chempionatida ishtiroki haqida
Ko‘pchilik o‘z fikrini bildiradi, lekin ularning barchasi ham futbolni tushunmaydi. Futbol so‘nggi 10—15 yilda o‘zgardi. Barcha jamoalar yaxshi tayyorlanmoqda. Agar Jahon Chempionati haqida gapiradigan bo‘lsak, chempionni faqatgina Saudiya Arabistoni yenga oldi. Buni unutmaslik lozim.
Qatarda syurprizlar ko‘p bo‘ldi: masalan, Janubiy Koreya terma jamoasi, Afrika jamoalari, Kosta-Rika. Ular qoyilmaqom ish bajardi. Bugun istalgan o‘yinni yutish qiyin.
“An-Nassr” faoliyatining oxiri emasligi haqida
Men uchun bu yerga kelish — faoliyatimning oxiri emas. Bu yerda o‘zgarishlar qilishni xohlayman, to‘g‘risini aytsam, odamlarning gaplari unchalik o‘ylantirmaydi. Qaror qabul qildim va unga javob beraman.
Saudiya Arabistoni chempionati raqobatbardosh. Odamlar bu haqida ham ko‘p narsa bilmaydi. Chempionatning juda ko‘p o‘yinlarini tomosha qildim. O‘yinlar boshlanishini intiqlik bilan kutmoqdaman. Agar murabbiy xohlasa keyingi turdagi o‘yinda ham maydonga tushishga tayyorman. Odamlar bilan muloqotdan va futboldan rohatlanishda davom etmoqchiman.
Krishtianu Ronaldu, “An-Nassr” futbolchisi
Izoh (0)