“An-Nassr” Saudiya Arabistoni chempionati doirasida 27-may, dushanba kuni “Al-Ittihod”ni 4:2 hisobida mag‘lub etib, mavsumni yakunladi.
-hJHEF6xo.jpg)
“An-Nassr” uchun ikki to‘pni Krishtianu Ronaldu kiritdi, va u 35 ta gol bilan Pro Liga to‘purariga aylandi. Shu tariqa, portugaliyalik to‘rt xil ligada to‘purar bo‘lgan birinchi futbolchiga aylandi.
Avvalroq Ronaldu “Real” bilan La Ligada uch marta, “Yuventus” bilan A Seriya va “Manchester Yunayted” bilan Premyer Ligada bir marta eng yaxshi to‘purarga aylangandi.
Bundan tashqari, Ronaldu bir mavsumdagi gollar soni bo‘yicha Saudiya Arabistoni chempionati rekordini yangiladi. Ronalduga qadar rekordchi marokashlik Abderrazoq Hamdalla edi, u 2018—19-yilgi mavsumda “An-Nassr” safida 34 ta gol urgan.
Izoh (0)