Молдованинг “Дачия” клуби “Ан-Насср” ҳужумчиси Криштиану Роналдуга ўз сафига қўшилиш учун таклиф билан мурожаат қилди.
“Бизнингча, Роналдунинг “Ан-Насср” билан шартномасини узайтирмагани ва қишки трансфер мавсумида эркин агентга айланиши биз учун имкониятдир. Унинг футболчилик фаолиятини давом эттириши учун энг яхши танлов бизнинг клубимиз деб ҳисоблаймиз, бунга бир нечта сабаб бор.
Биринчидан, у бошқа рангларга ўрганиш шарт эмас, биз ҳам сариқ ва кўк рангларда ўйнаймиз. Иккинчидан, фаолиятини якунлагач, унга клуб администрациясида халқаро элчи ёки болалар гуруҳларида мураббийлик лавозимини таклиф қиламиз. Криштиану, сени кутамиз”, дейилади жамоанинг ижтимоий тармоқларда эълон қилинган баёнотида.
Маълумот учун, Роналду “Ан-Насср”да 2023 йилдан бери давом этмоқда. Ушбу давр мобайнида футболчи 59 та ўйинда майдонга тушди ва шунча бор рақиблар дарвозасига тўп киритди.
Айни вақтда футболчининг трансфер қиймати 12 миллион еврога баҳоланмоқда.
Аввалроқ футболчи келажаги борасида 3 танловдан бирини танлаш ниятида экани хабар берилганди.
Изоҳ (0)