Vyetnam sudi giyohvand moddalar savdosida ayblangan 27 kishini o‘limga hukm qildi.
Bu haqda Tuoi Tre gazetasi xabar bermoqda.
Sud jinoiy guruh rahbari Vu Xoang Oan va uning 26 sherigiga o‘lim jazosini berdi. Yana olti nafar ayblanuvchi umrbod qamoq jazosiga hukm qilindi, ikki nafari esa 20 yillik qamoq jazosini o‘tashi belgilandi.
Nashrning yozishicha, jinoiy guruh 2018-yil martidan 2022-yil noyabrigacha Kambojadan Vyetnamga narkotik moddalarni olib o‘tish bilan shug‘ullangan. Bu davrda ular tomonidan 626 kilogrammdan ortiq turli turdagi taqiqlangan moddalar chegaradan o‘tkazilgan.
Ayblanuvchilar har safar davomida 50 kilogrammga yaqin giyohvand moddalarni olib o‘tganini tan olishgan. Jami 129 ta shunday reyslar amalga oshirilgan.
Avvalroq Paragvayda huquq-tartibot idoralari tomonidan o‘tkazilgan “Marangatu” operatsiyasi davomida 57 tonna marixuana musodara qilingani haqida xabar berilgandi.
Joriy yilning 28-noyabr kuni Kolumbiya politsiyasi 225 tonna kokainni musodara qilgandi.
Bundan tashqari, politsiya oltita kemani ham qo‘lga oldi. Bu kemalardan Avstraliyaga giyohvand moddalarni tashish uchun foydalanilgani aytilmoqda.
25-noyabrda esa Salvadorda 50 million dollarlik kokain ortilgan qayiq ushlangan.
Izoh (0)