“Qoraqalpog‘iston ilmiy-amaliy tibbiyot akademiyasini tashkil etishga oid chora-tadbirlar to‘g‘risida”gi prezident qarori qabul qilindi.
Qarorga ko‘ra, quyidagilar tashkil etiladi:
- yuridik shaxs maqomiga ega bo‘lgan Qoraqalpog‘iston ilmiy-amaliy tibbiyot akademiyasi;
- akademiya tarkibida ilmiy-tadqiqot laboratoriyasi, o‘quv-simulyatsion markaz va mehmonxona.
Nukus shahrida joylashgan davlat va nodavlat davolash-profilaktika muassasalari akademiyaning klinik bazasi hisoblanadi.
Quyidagilar akademiya faoliyatining asosiy yo‘nalishlari etib belgilandi:
- tibbiyot kadrlarini qayta tayyorlash va malakasini oshirish;
- tashxislash va davolashning yuqori texnologiyali innovatsion usullarini amaliyotga joriy etish;
- telemeditsina texnologiyalaridan keng foydalanish uchun sharoitlar yaratish.
2025/2026-o‘quv yilidan akademiyada klinik ordinaturada yuqori malakali tibbiyot kadrlarini tayyorlash yo‘lga qo‘yiladi. 2025-yil 1-oktyabrdan akademiya faoliyati to‘liq yo‘lga qo‘yiladi.
Avvalroq Toshkentda hamshiralar uchun Germaniya tibbiyot akademiyasi tashkil etilishi haqida xabar qilingandi. “Hamshiralar uchun Germaniya tibbiyot akademiyasi” “Davolash bo‘yicha Yevropadagi ikkinchi yirik universitet klinikasi Aaxen bilan birgalikda Toshkentdagi Abu Ali Ibn Sino nomidagi 1-Respublika tibbiyot texnikumi bazasida nemis tibbiy-ta’lim dasturlari asosida tashkil qilinadi.
Hamshiralar akademiyasi tashkil etilishi haqida prezidentning 20-iyundagi “Ma’muriy islohotlar doirasida sog‘liqni saqlash sohasida davlat boshqaruvini samarali tashkil qilish chora-tadbirlari to‘g‘risida”gi qarorida belgilangandi.
Izoh (0)