Toshkentda 27-dekabrga o‘tar kechasi uchta yo‘l-transport hodisasi sodir bo‘ldi.
Uchtepa tumani THAY ko‘chasida soat 00:40 larda 25 yoshli haydovchi N.K. Tracker avtomashinasini boshqarib ketayotib, rul boshqaruvini yo‘qotib, yo‘lni ajratib turuvchi beton to‘siqqa va beton simyog‘ochga urilgan. Birinchi tez tibbiy yordam ko‘rsatish maqsadida haydovchi shifoxonaga olib ketilgan.
Olmazor tumani Beruniy ko‘chasida soat 00:45 larda Malibu-2, Cobalt, BMW, Matiz rusumli avtomashinalar o‘zaro to‘qnashuvi natijasida yo‘l-transport hodisasi sodir bo‘lgan. YTH natijasida jabrlangan BMW’ning 32 yoshli haydovchisi F.A.ga tez yordam xodimlari tomonidan birinchi tez tibbiy yordam ko‘rsatilgan.
Mirzo Ulug‘bek tumani Oltintepa ko‘chasida 20 yoshli haydovchi D.A. boshqaruvidagi Nexia-3 hamda 45 yoshli haydovchi boshqaruvida bo‘lgan Captiva to‘qnashgan. Nexia-3 haydovchisi shifoxonaga olib ketilgan.
Hodisa yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.
Izoh (0)