Navoiy viloyati Xatirchi tumanidagi “Langar” qo‘rg‘onida joylashgan ikkita dor yo‘li faoliyatiga qat’iy taqiq qo‘yildi. Bu haqda Sanoat, radiatsiya va yadro xavfsizligi qo‘mitasi matbuot xizmati xabar berdi.
Ma’lum qilinishicha, 10-avgust kuni Sanoat, radiatsiya va yadro xavfsizligi qo‘mitasi bosh boshqarmasi boshlig‘i O. Djurayev va Navoiy hududiy bo‘limi boshlig‘i o‘rinbosari S. Burxonov tomonidan Navoiy viloyati, Xatirchi tumani “Langar” qo‘rg‘onida tadbirkorlik subyektlari tomonidan o‘rnatilgan ikki dona dor yo‘lining texnik holati, normativ xujjatlar talablariga qay darajada javob berishi bo‘yicha o‘rganish ishlari olib borildi.
-FxClsTsC.avif)
O‘rganish davomida dor yo‘lidan foydalanib kelayotgan tadbirkorlik subyektlari rahbar va mas’ullariga mavjud kamchliklar bo‘yicha tegishli ko‘rsatmalar berilgan holda, tegishli ruxsatnoma olmasdan turib mazkur dor yo‘lidan foydalanmaslik bo‘yicha qat’iy taqiq qo‘yildi.
Sanoat, radiatsiya va yadro xavfsizligi qo‘mitasi attraksionlar bilan boglik noxush holatlarni oldini olish maqsadida, mamlakat hududidagi madaniyat va istirohat bog‘lari hamda ko‘ngil ochar maskanlarda o‘rnatilgan va foydalinayotgan texnik nosoz va shubhali bo‘lgan attraksionlarga duch kelganlardan “attraksion_nazorati” elektron mobil platformasgai murojaat qilishlarini so‘radi.
Shuningdek, qo‘mitaning 71 203-02-39 ishonch telefoni orqali murojaat qilish mumkin.
Izoh (0)