Toshkent shahri Chilonzor tumanida valyuta qimmatliklarining noqonuniy muomalaga kiritilishining oldi olindi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Toshkent shahar boshqarmasi tomonidan IIBB xodimlari bilan hamkorlikda tezkor tadbir o‘tkazilgan. Unda Chilonzor tumani Bunyodkor shohko‘chasi hududida valyuta ayirboshlash bilan shug‘ullanib kelgan A.G., G.N. va boshqalar jami 4 200 dollarni fuqaro M.A.ga 48 million so‘mga sotgan vaqtida ushlangan.
Ularning yonidan 13,2 million so‘m, 35 dollar va 20 ming qozoq tengesi ashyoviy dalil sifatida olingan.
Holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Izoh (0)