Andijonda “valyutchik” 40 ming dollarni so‘mga sotmoqchi bo‘lganida qo‘lga tushdi

Andijon va Farg‘onada dehqon bozori atrofida valyuta ayirboshlash bilan shug‘ullanib kelgan ikki kishi qo‘lga olindi.

Bosh prokuratura huzuridagi Departament hamda DXXning Andijon viloyat boshqarmasi tomonidan IIB xodimlari bilan hamkorlikda o‘tkazilgan tezkor tadbirda, Yangibozor dehqon bozori atrofida valyuta ayirboshlash bilan shug‘ullanib kelgan B.N. fuqaro S.ga 40 ming AQSH dollarini 450 million so‘mga sotishga kelishib, shundan 15 ming AQSH dollarini 200 million so‘mga sotgan vaqtida ashyoviy dalillar bilan ushlangan.

Shu kabi, departamentning Farg‘ona shahar bo‘limi tomonidan o‘tkazilgan tezkor tadbirda, shahar dehqon bozori atrofida valyuta ayirboshlash bilan shug‘ullanib kelgan Sh.T. fuqaro Z.ga 4 300 AQSH dollarini 48,1 million so‘mga sotgan vaqtida ashyoviy dalillar bilan ushlangan.

Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.

Mazvuga doir: 

• Toshkentda noqonuniy “valyutchik” ushlandi. Qariyb 8 ming dollar va 50 mln so‘m ashyoviy dalil sifatida olindi
• Jizzaxda 3500 dollarni salkam 40 mln so‘mga sotgan “valyutchik” ushlandi
• Xorazmda 3 ming dollarni so‘mga ayirboshlayotgan “valyutchik” ushlandi