AQSHning ko‘plab mashhurlari va ayollari Donald Trampning ayollar masalasidagi siyosatidan jiddiy xavotirda bo‘lishlariga qaramay, agar saylangan prezidentning jamoasiga qaralsa, uni ayollar dushmani deb bo‘lmaydi. U ma’muriyatdagi bir qancha muhim lavozimlarni aynan o‘z safdoshlariga ishonib topshirgan.
Oq uy apparati rahbari Syuzi Uayls, ta’lim vaziri Linda MakMexon, milliy razvedka rahbari Tulsi Gabbard, ichki xavfsizlik vaziri Kristi Noem bo‘ldi. Trampning har bir ommaviy chiqishida go‘zal Melaniya va Ivanka hamrohlik qildi.
Ko‘pgina jurnalistlar va tahlilchilar Donald hozir tarixda birinchi marta qora tanli amerikalik Karin Jan-Pyer egallab turgan matbuot kotibi lavozimini Taker Karlsonga ishonishini taxmin qilishdi, ammo prezident Kerolayn Livittni tanladi. Oq uy tarixidagi ushbu lavozimdagi eng yosh ayol haqida nimalar ma’lum?
Kerolayn Livittning tarjimayi holi
Kerolayn Livitt 1997-yil 24-avgustda Nyu Hempshirda tug‘ilgan va ancha qat’iy katolik an’analarida tarbiyalangan. Uning ota-onasi muzqaymoq do‘koni va yuk mashinalari sotuvchi kompaniya biznesiga ega edi. Diniy oila an’analarga juda qattiq rioya qilgan, shuning uchun qizining keyingi ta’lim joyi haqida uzoq bosh qotirib o‘tirishmaydi.
Kerolayn Massachusets shtatining Lourens shahridagi Markaziy katolik o‘rta maktabiga, keyin esa Avliyo Anselm kollejiga beriladi. O‘smirlik davrida Livitt Hearst Television WMUR-TV telekanalida ishlagan, keyin esa Fox News’da amaliyot o‘tagan. Qizning aniq va ancha radikal siyosiy qarashlari ham kollejda o‘qib yurgan paytlaridayoq shakllangan. Aynan shu narsa uning kelajakda muvaffaqiyatli karyerasini qurishiga va Donald Trampning ishonchini qozonishiga yordam beradi.
Kerolayn Livittning shaxsiy hayoti
Kerolayn Livitt shaxsiy hayotini yashirmaydi, lekin u haqida ham juda batafsil ma’lumot bermaydi. Ma’lum bo‘lishicha, u turmushga chiqqan, 2024-yilning yozida esa ilk bor ona bo‘lgan. Ijtimoiy tarmoqlarda matbuot kotibining o‘g‘li bilan tushgan suratlari ko‘p, do‘stlari va qarindoshlari bilan tushgan suratlarni topish mumkin, biroq u erini kamdan kam ko‘rsatadi.
Kerolayn Oq uy matbuot kotibi lavozimiga tayinlangani haqidagi rasmiy bayonotda u “aqlli, qat’iyatli va o‘zini juda samarali kommunikator sifatida ko‘rsatgan”ligi aytiladi. Qizning fe’l-atvori va ish qobiliyatiga shubha qilmasa ham bo‘ladi, chunki u 2024-yil yanvar oyida homiladorligida Tramp jamoasiga qo‘shilgan. Qiziq, Livitt onalikni televideniyeda doimiy chiqishlar va keng ko‘lamli jiddiy ish bilan qanday qilib birlashtirishga ulguradi — bu Amerikadagi ko‘pchilik uchun jumboq bo‘lib qolmoqda.
Trampga birinchi suiqasddan so‘ng, Kerolayn o‘sha paytda atigi 4 kun bo‘lgan chaqalog‘ini eriga qoldirib, o‘zi tarixda deyarli eng qisqa ta’tildan so‘ng shtabga qaytadi. U o‘z xatti-harakatini ayni paytda prezident bilan doimo yonma-yon bo‘lishni xohlashi bilan izohlaydi.
Kerolayn Livittning karyerasi
Kollejni tugatgandan so‘ng, Kerolayn Oq uy matbuot xizmatiga ishga kirib, u yerda matbuot kotibining yordamchisi bo‘lib ishlaydi. 2022-yilda u AQSH Kongressiga kirishga muvaffaq bo‘ladi va u yerda Donald Tramp tarafdori Eliza Stefanikning jamoatchilik bilan aloqalar bo‘yicha direktori lavozimini egallaydi.
Xuddi shu 2022-yilda Kerolayn o‘zi tug‘ilgan Nyu Hempshir shtatidan AQSH Vakillar palatasiga saylanadi. Shunday qilib, Livitt Amerika siyosiy apparatida “zumerlar” avlodining ikkinchi vakiliga aylanadi. Jo Bayden hukmronligining butun davri davomida Kerolayn, uning so‘zlariga ko‘ra, “haqiqiy prezidentni” “sog‘inib” yuradi. Aynan shuning uchun ham 2024-yil yanvar oyida Syuzi Uayls uni Tramp kampaniyasiga taklif qilganida, mallasoch ayol uzoq o‘ylab o‘tirmaydi.
Respublikachi Livittga o‘zining mutlaq ishonchini bildiradi, u o‘zining saylovoldi kampaniyasida “fenomenal ish” qilganini aytib, uni “aqlli va qattiqqo‘l” deb ataydi.
Ma’lumki, Donald Tramp bilan ishlagan vaqt davomida Kerolayn prezident rejimiga to‘liq moslashdi: endi u ham kuniga atigi 4 soat uxlaydi. Bundan tashqari, ko‘pchilik yumshoqlik va soddalik deb baholashi mumkin bo‘lgan yoqimli ko‘rinishga qaramay, Livitt hissiyotga beriluvchanligi va murosasizligi bilan ajralib turadi. Ekspertlar va tahlilchilarning ta’kidlashicha, Kerolayn har doim “syomkalar”ga tayyor, jarayonga juda oson kirishadi, vaziyatga tez moslashadi va har doim Donald Trampni agressiv himoya qiladi.
Izoh (0)