AQSHning yangi saylangan prezidenti Donald Tramp lavozimiga kirishidan oldin HAMAS barcha garovdagilarni ozod qilmasa, Yaqin Sharqda “jahannam” yaratish bilan tahdid qildi. Bu haqda siyosatchi o‘zining Truth Social ijtimoiy tarmog‘ida yozdi.
U Isroildan o‘g‘irlab ketilgan odamlarni darhol ozod qilishga chaqirdi, aks holda aybdorlar AQSH tarixidagi “hech kimga o‘xshamagan darajada qattiq” jazolanishini aytdi.
Agar garovdagilar 2025-yil 20-yanvargacha, ya’ni men faxr bilan AQSH prezidenti lavozimini egallaydigan sanagacha ozod qilinmasa, Yaqin Sharqda va insoniyatga qarshi bu vahshiyliklar uchun javobgar bo‘lganlarga jahannam boshlanadi, buning uchun ular haq to‘lashiga to‘g‘ri keladi, dedi u.
Respublikachilar partiyasidan senator Lindsi Gremga ko‘ra, Tramp 2025-yil yanvaridagi inauguratsiyadan avval G‘azo sektorida tinchlik bitimini tuzishni rejalashtirmoqda. AQSHning yangi prezidenti lavozimiga kirishgach Ukrainadagi urushni 24 soat ichida tugatishga ham va’da bergandi.
HAMAS 2023-yil 7-oktyabrda Isroilga hujum qilganda 200 dan ortiq odamni garovga olgan. O‘g‘irlab ketilganlar orasida ham isroilliklar, ham chet elliklar, shu jumladan ko‘p fuqarolikka ega bo‘lgan shaxslar bor edi. Oktyabr oyi boshida 97 nafar o‘g‘irlangan shaxs G‘azo sektorida qolgan, ularning uchdan biri 1 33 kishi halok bo‘lgan deb hisoblanmoqda.
Izoh (0)