Florida shtatidagi Mar-a-Lago shaharchasida joylashgan Mavrikiy uslubida qurilgan pushti saroy AQSH prezidenti Donald Trampga tegishli bo‘lib, 2019-yilning noyabr oyidan buyon uning va oila a’zolarining doimiy qarorgohi sifatida xizmat qilmoqda. Mazkur ko‘chmas mulk aynan Trampning birinchi prezidentligidan keyin tanilgan bo‘lsa-da, bino salkam 100 yillik tarixga ega.
Mashhur bino 1927-yilda Marion Sims Uayet va Jozef Urban ismli arxitektorlar tomonidan qurilgan bo‘lib, Amerikaning eng badavlat xonimlaridan biri Marjori Merrivezer Post tomonidan buyurtma qilingan. 1973-yilda u o‘z mulkini AQSH hukumatiga Amerika prezidentlarining qishki qarorgohi — Oq uyning bir turi sifatida vasiyat qilib ketdi.
Biroq birorta prezident bu yerda yashashga shoshilmadi. Birinchidan, saroyni restavratsiya qilish va uni saqlash juda qimmatga tushar edi, ikkinchidan, hukumat uchun tegishli xavfsizlikni ta’minlash juda qiyin edi, chunki bino Palm Bich aeroporti yaqinida — samolyotlar qo‘nish yo‘lagi tomonda joylashgan. Shuning uchun 1980 yilda milliy yodgorlik deb e'lon qilingan qasr asosan rasmiy delegatsiyalarni qabul qilish uchun foydalanilgan.
1985-yilda Mar-a-Lago binosi Donald Tramp tomonidan sotib olindi. Uyni prezident necha pulga xarid qilgani noma’lum, taxminlarga ko‘ra qarorgohning narxi 5 million dollar bo‘lgan. Shuningdek, bir vaqtlar Marjori Postga tegishli bo‘lgan qimmatbaho buyumlar va mebellar uchun Tramp qo‘shimcha 3 million dollar sarflagan.
Prezident mazkur qasrda keng ko‘lamli modernizatsiya ishlarini amalga oshirdi, natijada uy dunyodagi eng hashamatli xonadonlardan biriga aylandi. Bu yerda 1858 kvadrat metr maydonga ega zal ham mavjud. Bino dizaynida 7 million dollarlik oltin bezaklar ustunlik berilgan.
-eo8ZsHBa.webp)
1995-yildan beri 5810 kvadrat metrlik saroyda butun dunyoning elita qatlami uchun mo‘ljallangan eksklyuziv xususiy klub joylashgan bo'lib, unda 126 ta xona, spa, xususiy plyaj, jakuzili basseyn, fitnes markazi va golf maydonlari mavjud. Uyning bir qismi (taxminan 278 kvadrat metr) mehmonlar uchun yopiq. U yerda prezidentning o‘zi va oilasi Floridaga tashrifi chog‘ida istiqomat qiladi.
2019-yil noyabr oyida Tramp Mar-a-Lago mulkini rasman o‘zining doimiy qarorgohi deb e’lon qildi. Bundan avval u Nyu Yorkdagi beshinchi avenyuda joylashgan Trump Tower osmono‘par binosidagi uch qavatli penthausda yashagan. 2025-yil 20-yanvardagi inauguratsiyasidan so‘ng Tramp Vashingtondagi Oq uyga ko‘chib o‘tadi.
“Palm Bichda 24 akr (11 gektar) yer maydonim bor, u yerda joylashgan qarorgohga o‘xshash joy hech kimda yo‘q”, degan edi Tramp.
Izoh (0)