O‘zbekiston futbol assotsiatsiyasi 2024-yil yakunlariga ko‘ra, O‘zbekistonning eng yaxshi o‘yinchisi bo‘lishga daʼvogarlar nomini maʼlum qildi.
O‘FA matbuot xizmati xabariga ko‘ra, 2024-yilda 14 nafar futbolchi ushbu sovrin uchun kurash olib boradi. “Yil futbolchisi” nomiga daʼvogar 14 futbolchidan 13 nafari O‘zbekiston milliy jamoasi aʼzolari hisoblanadi. Ushbu ro‘yxatdagi “Dinamo” klubi hujumchisi Anvarjon Hojimirzayev hozircha terma jamoa safida o‘ynamagan.
O‘zbekistonning 2024-yildagi eng yaxshi futbolchisi nomiga daʼvogar o‘yinchilar ro‘yxati:
- Abbosbek Fayzullayev (“SSKA”)
- Husniddin Aliqulov (“Rizespor”)
- Abduqodir Husanov (“Lans”)
- Odil Hamrobekov (“Navbahor”)
- Abduvohid Neʼmatov (“Nasaf”)
- Jaloliddin Masharipov (“Istiqlol Eron”)
- Akmal Mozgovoy (“Nasaf”)
- Oston O‘runov (“Persepolis Eron”)
- Anvarjon Hojimirzayev (“Dinamo”)
- Jamshid Iskanderov (“Navbahor”)
- Eldor Shomurodov (“Roma”)
- Otabek Shukurov (“Al-Feyha”)
- O‘tkir Yusupov (“Navbahor”)
- Sherzod Nasrullayev (“Nasaf”)
Ma’lumot uchun, 2023-yilda Abbosbek Fayzullayev O‘zbekistonning eng yaxshi o‘yinchisi deb topilgandi.
Izoh (0)