“Ал-Ҳилол” ва Бразилия терма жамоаси ҳужумчиси Неймар Саудия Арабистони жамоасини тарк этиши мумкин.
“Sport.de”нинг испан ОАВларига таяниб хабар беришича, бразилиялик футболчи Саудия Арабистонидаги фаолиятидан сўнг “Реал”га ўтишни орзу қилади. Қайд этилишича, футболчи Винисиус Жуниор ва у билан яхши муносабатда бўлган Килиан Мбаппе билан бир жамоада ўйнашни истайди.
Жорий мавсумда 32 ёшли ҳужумчи иккита ўйин ўтказди ва унда самарали ҳаракат амалга ошира олмади.
Маълумот учун, Неймар 2023 йилнинг августида “Ал-Ҳилол”га ўтган эди. Футболчининг амалдаги клуби билан меҳнат шартномаси 2025 йилнинг ёзига қадар амал қилади. Transfermarkt интернет порталида берилган маълумотларга кўра, 32 ёшли ҳужумчининг бозор қиймати 30 миллион еврони ташкил қилади.
Изоҳ (0)