Futbol bo‘yicha Yevropa Chempionlar Ligasi nimchorak final javob uchrashuvlaridan o‘rin olgan ikki bahs 9-mart, chorshanba kuni bo‘lib o‘tdi.
“Real” Madridda “PSJ”ni qabul qilib, 3:1 hisobidagi g‘alabani qo‘lga kiritdi. Asosan parijliklarning ustunligida o‘tgan birinchi taymning 39-daqiqasida Kilian Mbappe qarshi hujumni gol bilan yakunlab, hisobni ochishga muvaffaq bo‘ldi. Jamoalar tanaffusga shu hisobda yo‘l oldi.
Ikkinchi 45 daqiqalikni har ikkala jamoa vakillari hujumlar bilan boshladi. 61-daqiqaga kelib, Karim Benzema Janluiji Donnarummaning qo‘pol xatosidan keyin muvozanatni tikladi. 76-daqiqaga kelib, Karim Luka Modrichning ajoyib uzatmasini golga aylantirgan holda dublni rasmiylashtirdi. Oradan ikki daqiqa o‘tib esa Benzema het-trikka erishdi. Fransiyalik hujumchi ushbu vaziyatda qarshi hujumni gol bilan yakunlab qo‘ydi.
Shu tariqa “Real” irodali g‘alabani qo‘lga kiritgan holda Chempionlar Ligasining 1/4 final bosqichiga yo‘l oldi. Ikki o‘yin natijasiga ko‘ra hisob 3:2 ni tashkil qildi.
“Manchester Siti” o‘z maydonida “Sporting”ni qabul qilib, 0:0 hisobidagi durangga imzo chekdi. Jamoalarning dastlabki bahsida “shaharliklar” 5:0 hisobidagi g‘alabani tantana qilgandi.
8-mart kuni o‘tkazilgan bahslarda “Bavariya” va “Liverpul” keyingi bosqich masalasini hal qilgandi.
Yevropa Chempionlar Ligasi
1/8 final, javob o‘yinlari
9-mart, chorshanba
“Real Madrid” Ispaniya – “PSJ” Fransiya 3:1
Gollar: 0:1 – 39 Mbappe, 1:1 – 61 Benzema, 2:1 – 76 Benzema, 3:1 – 78 Benzema.“Real”: Kurtua, Karvaxal (Vaskes, 66), Alaba, Militao, Nacho, Modrich, Kroos (Kamavinga, 57), Valverde, Benzema, Asensio (Rodrigo, 57), Vinisius Junior.
“PSJ”: Donnarumma, Hakimi (Draksler, 88), Markinyos, Kimpembe, Mendesh, Danilu Pereyra (di Mariya, 80), Verratti, Paredes (Guye, 71), Messi, Neymar, Mbappe.
Ogohlantirishlar: Paredes (7), Nacho (43), Vinisius Junior (44), Karvaxal (60), Donnarumma (61), Hakimi (81), Kimpembe (83), Vaskes (88).
Dastlabki o‘yin — 0:1.
“Manchester Siti” Angliya – “Sporting” Portugaliya 0:0
“Manchester Siti”: Ederson (Karson, 73), Rayli, Stounz, Lyaport (Mbete-Tatu, 84), Zinchenko, Fernandinyo, Gundo‘g‘an, Bernardu Silva (Mahrez, 46), Foden (Makati, 46), Sterling, Gabriel Jezus.“Sporting”: Adan, Porro (Eshgayyu, 78), Netu (Feddal, 89), Koates, Inasiu, Mateus Reys, Sarabiya (Edvards, 58), Ugarte, Slimani (Ribeyru, 89), Paulinyu (Nunu Santush, 78), Tabata.
Ogohlantirishlar: Paulinyu (14), Gabriel Jezus (39), Slimani (40).
Dastlabki o‘yin — 5:0.
Izoh (0)