26 октябрга ўтар тунда Исроил Эронга ракета зарбалари бергани маълум қилинганди. Эрон ҳужум оқибатида ўз объектларига “қисман зарар” етганини, ҳозирда зарарнинг аниқ миқдори баҳоланаётганини хабар қилди. Бу ҳақда Эрон Ислом Республикаси ҳаво ҳужумидан мудофаа кучлари баёнотида айтилади.
“Бугун эрталаб Исроил кескинликни кучайтириш мақсадида Теҳрон, Хузистон ва Илом вилоятларидаги баъзи ҳарбий объектларга ҳужум уюштирди.
Ҳаво мудофаа тизимимиз бу ҳужумларнинг аксариятини муваффақиятли қайтарганига қарамай, айрим ҳудудларга қисман зарар етказилди. Ҳозирда зарарнинг якуний кўлами ўрганилмоқда”, дея баёнот матнидан иқтибос келтиради IRNA агентлиги.
Исроил махфий ҳужжатлар сиздирилиши сабабли Эронга ҳужумни кейинга қолдиргани хабар қилинганди.
“Ҳужжатларининг ошкор этилиши маълум стратегия ва таркибий қисмларни ўзгартириш зарурати туфайли ҳужумни кечиктирди. Қасос олинади, аммо бу кутилганидан кўпроқ вақт талаб қилди”, дея разведка бошқармасининг сўзларидан иқтибос келтирганди Тhе Times нашри.
Изоҳ (0)