“Hizbulloh” 19-oktyabr kuni Livandan uchirgan dron Isroil bosh vaziri Binyamin Netanyaxuning Kesariyadagi qarorgohining yotoqxona derazasiga to‘g‘ri tushgan. Bu haqda The Times of Israel xabar berdi.
Isroil ommaviy axborot vositalariga dron yotoqxona derazasiga zarar yetkazgani haqidagi ma’lumotni e’lon qilishga ruxsat berilgan. 19-oktyabr kuni “Hizbulloh” uchta dron uchirgan va ularning barchasi Kesariyadagi qarorgohga qaratilgan. Isroil harbiylari dronlarning ikkitasi urib tushirilganini xabar qilgan.
22-oktyabr kuni “Hizbulloh” Keysariyadagi Isroil bosh vaziri qarorgohiga qilingan hujum uchun javobgarlikni rasman o‘z zimmasiga olgan. Hodisa oqibatida tan jarohati olganlar yo‘q. Hujum vaqti Netanyaxu va rafiqasi uyda bo‘lmagan.
Isroil bosh vaziri qarorgohiga hujum tufayli Eronga va ittifoqchilariga tahdid qilib, “og‘ir tovon to‘lash”lari haqida ogohlantirgan.
“Eronparast ‘Hizbulloh’ guruhining meni va rafiqamni o‘ldirishga urinishi jiddiy xato bo‘ldi. Bu meni yoki Isroil davlatini kelajagimizni ta’minlash uchun dushmanlarimizga qarshi adolatli urushni davom ettirishdan to‘xtata olmaydi”, degan Netanyaxu.
Izoh (0)