Yaqin Sharqdagi inqirozni hal qilish poytaxti Sharqiy Quddusda bo'lgan mustaqil Falastin davlati tuzilgandan keyingina mumkin bo'ladi.
Bu haqda Turkiya prezidenti Rajab Toyyib Erdo‘g‘on “BRIKS plyus” formatidagi kengaytirilgan yig‘ilishda ma’lum qildi.
“Biz inqirozni faqat poytaxti Sharqiy Quddusda joylashgan mustaqil Falastin davlatini tuzish orqali hal qilish mumkin, degan xulosadamiz. Bu yagona talab emas. Isroilni qurol va o’q-dorilar bilan ta’minlash mintaqadagi inqiroz va beqarorlikni yanada kuchaytiradi. Biz Isroilga qurol-yarog‘ yetkazib berishga embargo qo‘yish tashabbusini ilgari surdik. Biz BRIKSning yordamiga ishonamiz. Mintaqada qon to‘kilishini to‘xtatishimiz kerak”, dedi u.
Uning so‘zlariga ko‘ra, qon to‘kilishini, inqirozlarni to‘xtatmay turib, taraqqiyotni ta’minlab bo‘lmaydi.
Avvalroq Falastin Sog‘liqni saqlash vazirligi xalqaro hamjamiyatga og‘riqli murojaat yo‘llab, G‘azodagi gumanitar inqiroz, ayniqsa, Isroil qamallari va ommaviy hujumlar davom etayotgan eksklavning shimoliy hududlari haqida yana bir bor eslatgandi.
“Bizning da’vatimiz shu: xalqimizni himoya qila olmagan, boshpana, oziq-ovqat va dori-darmon bilan ta’minlay olmagan jahon hamjamiyati hech bo‘lmaganda shahidlarimizning jasadlarini yopishimiz uchun kafan jo‘natishga harakat qilishi kerak”, deyiladi vazirlik xabarida.
Izoh (0)